Nox Medical, sem þróar og selur lækningatækjalausnir í yfir 50 löndum stóð frammi fyrir vaxandi þörf fyrir að sjálfvirknivæða útgjaldastýringu sína. Sem alþjóðlegt fyrirtæki með flókinn rekstur þurfti Nox að finna lausn sem myndi draga úr handavinnu og auka skilvirkni í fjármálastjórn.
Markmið: Sjálfvirkni og einfaldara ferli
Kristrún Steinarsdóttir, hjá Nox Medical, hafði skýr markmið þegar leitað var að nýrri lausn. Hún vildi bæði gera ferlið einfaldara fyrir starfsfólk og minnka þann tíma sem fjármáladeildin þurfti að verja í að elta eftir kvittunum og vinna handvirkt í gegnum reikninga. „Við vildum finna lausn sem einfaldaði ferlið fyrir starfsmenn en dró líka verulega úr handavinnu hjá fjármáladeild“ segir Kristrún.
Eftir að hafa skoðað lausnir á markaði varð Kardio fyrir valinu. Kerfið bauð upp á þann sveigjanleika og aðlögun sem fyrirtækið þurfti fyrir flókinn alþjóðlegan rekstur og innleiðingin gekk hratt og örugglega.
Beintengt við Business Central
Einn af kostunum reyndist vera bein tenging Kardio við Microsoft Business Central. Með þessari samþættingu getur fjármáladeildin sett skýrar reglur um hvaða gögn þurfa að liggja fyrir áður en útgjöld færast sjálfkrafa inn í bókhaldskerfið. „Við setjum reglur um hvaða gögn þurfa að vera til staðar og þá fer ferlið sjálfkrafa áfram, án handavinnu“ útskýrir Kristrún.
Áhrif á starfsfólk og fjármáladeild
Innleiðing Kardio hafði strax sýnileg áhrif. Starfsfólk fær nú reglulegar áminningar og veit nákvæmlega hvað þarf að skila inn. Það hefur dregið verulega úr því að fjármáladeildin þurfi að hafa samband við starfsmenn til að fá vantar upplýsingar. Handavinna og álag hafa minnkað og ferlið er orðið einfaldara og skilvirkara en áður.
Árangurinn: Sjálfvirkni og betri yfirsýn
Með Kardio hefur Nox Medical náð markmiðum sínum. Kerfið hefur ekki aðeins sparað tíma og dregið úr handavinnu heldur einnig veitt betri yfirsýn yfir útgjöldin. „Við höfum náð því sem við stefndum að, sjálfvirkni sem sparar tíma og dregur úr handavinnu“ segir Kristrún. Fyrirtækið hefur nú meira svigrúm til að einbeita sér að kjarnastarfsemi sinni og nýta mannauðinn þar sem hann skilar mestum árangri.
