Flestir kannast við að fá reglulega kvittanir í tölvupósti – fyrir flugmiða, netáskriftir eða matarinnkaup. Það getur verið tímafrekt að finna kvittun, hlaða niður og koma til skila í bókhaldið.
Fyrirtæki sem nota Kardio gera þetta mun einfaldara: þú getur einfaldlega áframsent kvittanir í tölvupósti á kvittanir@kardio.is og haldið síðan áfram með daginn.
Hvernig virkar þetta?
Þegar þú færð kvittun í tölvupósti, smelltu einfaldlega á „Forward“.
Sláðu inn netfangið kvittanir@kardio.is.
Kardio sér sjálfkrafa um að para kvittunina við rétta færslu í kerfinu sem fylgir færslunni alla leið í bókhaldið.
Þannig sparar þú þér bæði tíma og fyrirhöfn – engin skráning, engin handavinna.
Tímasparnaður í raun
Hugsum okkur fyrirtæki með 30 starfsmenn sem fá samtals um 130 kvittanir á mánuði (áskriftir, bílastæði, flugmiðar o.fl.).
Ef hver kvittun tekur 5 mínútur að finna síðar, hlaða niður og skila á hefðbundinn hátt, þá tapast yfir 10 klukkustundir á mánuði dreift yfir félagið. Og þá má ekki gleyma því sem við myndum kalla samhengisskipti (á ensku: context switching) sem dregur þróttinn úr öðrum mikilvægari verkefnum.
Með því að áframsenda kvittunina strax á kvittanir@kardio.is sparast þessi tími – sem jafngildir meira en 120 klukkustundum á ári.
Mikilvægt að Kardio þekki netfangið þitt
Til að þetta virki þarf Kardio að þekkja netfangið sem áframsendir kvittunina.
Öll netföng sem þegar eru skráð í Kardio geta sent kvittanir.
Ef þú vilt bæta við auka netfangi er það einfalt: farðu inn á vefviðmót Kardio, opnaðu stillingarsíðuna og skráðu netfangið þar.
Algengt er nota fleiri en eitt netfang sem kvittanir berast á – t.d. tvö eða fleiri vinnunetföng og síðan persónuleg netföng. Því er mikilvægt að geta sent úr öllum þeim netföngum sem þú notar.
Næst þegar þú færð kvittun í tölvupósti, prófaðu að áframsenda hana á kvittanir@kardio.is. Það tekur aðeins örfáar sekúndur.
